رسالة مؤثرة من ابن جان جبران: بابا… رجعتلنا بخير وسلامة!

بعد القرار الذي صدر بحق والده، كتب ابن مدير عام مؤسسة مياه بيروت وجبل لبنان يوسف جان جبران عبر فايسبوك:

“بابا… وأخيراً رجعتلنا بخير وسلامة.
ليش عم بحكي هيك؟ لأن خفنا عليك بآخر فترة، خفنا عليك من منظومة ما عاد عندها حسّ الإنسانية… خفنا عليك من أشباه البشر يلي عماهن الحقد والخوف من الآدمي يلي ما رح يقبل يتقاسم معهن الحلوينة! خفنا عليك من أشباه الرجال يلي وعودهن كاذبة و فكرهن إننا مصدقينهن! بصراحة خفنا عليك أكثر من يلي كانوا قراب منك، من يلي غدروا فيك و يمكن وصلوا للبدهن ياه! على كل حال، ما رح احكي عنك… بكرا الناس بتحكي، الموظفين بحسوا والغريب قبل القريب بيعرف شو معنا موظف دولة وفي لكل الناس الأوادم و لدولته….
أنا يلي فيي أكده، إن نحنا بالبيت من وقتا ما تعينت تغيرت حياتنا… وكنت عطول تقلنا اذا ما حدا شايف الله شايف… يمكن مش كل الناس تفهم عليي، بس الأوادم أكيد فهموا…
بابا، صار الوقت نرجع نعيش جو العيلة، وحياتك نحنا مبسوطين وكتير… لأنك رجعتلنا بالسلامة منحبك بابا…